«Ես իմ կյանքում երբեք ոչ մի երկրում նման ամոթալի երևույթ չեմ տեսել»
- 19:18 12.08.2025
Մեղադրանքների (Սամվել Կարապետյանի և հոգևորականության դեմ) անընդունելիությունը կցնցի օտարերկրյա առաջնորդներին։ Այդ մասին օգոստոսի 12-ին լրագրողների հետ հանդիպման ժամանակ հայտարարել է աշխարհահռչակ իրավաբան և միջազգային մարդու իրավունքների պաշտպան Ռոբերտ Ամստերդամը։
Ամստերդամը Հայաստանի իշխանություններին կոչ արեց դադարեցնել մեղադրանքները։ «Ես իմ կյանքում երբեք ոչ մի երկրում նման ամոթալի երևույթ չեմ տեսել, որ այդ տարիքի մարդիկ, ովքեր իրենց կյանքը նվիրել են երկրին և իրենց կյանքում երբեք հանցագործություն չեն գործել, մեղադրվեն և ձերբակալվեն։ Այն պնդումը, թե նրանք պետք է ձերբակալվեն, բացարձակապես ամոթալի է։ Իմ մտահոգությունները, որոնք դարձան իմ Հայաստան այցելության պատճառը, լիովին հաստատվել են։
Հուսով եմ՝ առիթ կունենամ այցելելու իմ պաշտպանյալին քրեակատարողական հիմնարկում և տեսնենք՝ թե ինչ կստացվի։ Դա կլինի բազմաթիվ այցելություններից առաջինը, մինչև իմ պաշտպանյալին և եկեղեցուն առնչվող իրավիճակը լուծվի»,- եզրափակել է Ամստերդամը։