Պուտինը միջուկային զորավարժություններ է անցկացնում Թրամփի հետ հանդիպումից առաջ
- 19:05 13.08.2025
Բելառուսը և Ռուսաստանը մտնում են «Զապադ-2025» լայնածավալ համատեղ զորավարժությունների նախապատրաստման վերջին փուլ, որոնք, ի թիվս այլ բաների, կներառեն միջուկային զենքի կիրառման սցենարների վարժանքներ։
Այս մասին օգոստոսի 13-ին հայտարարել է Բելառուսի պաշտպանության նախարար Վիկտոր Խրենինը։ Նրա խոսքով՝ միջուկային զենքի թեման կդառնա զորավարժությունների ծրագրի կարևոր մասը և կհամարվի ռազմավարական զսպման տարր։
Բացի այդ, բելառուսական և ռուսական զինվորականները կվարժեցնեն հայտնի Օրեշնիկ համալիրի օգտագործումը։
Արևմտյան ռազմական վերլուծաբանները կարծում են, որ այս զորավարժությունների շրջանակներում ռուսները կարող է սկսեն պատրաստվել Սուվալկիի միջանցքը գրավելուն կամ Բալթյան երկրներից մեկի վրա հարձակվելուն։ Ռուսաստանի կողմից Ուկրաինայի դեմ պատերազմի ֆոնին նման սցենարները ընկալվում են որպես շատ հավանական։
Հիշեցնենք, որ Պուտին-Թրամփ հանդիպումը նախատեսված է օգոստոսի 15-ին Ալյասկայում։