Լեւոն Արոնյանը՝ Grand Chess Tour: Saint Louis Rapid & Blitz 2025-ի հաղթող
- 06:47 16.08.2025
Հայաստանի հավաքականի նախկին առաջատար Լեւոն Արոնյանը նվաճեց Սենթ Լուիսում անցկացված Grand Chess Tour: Saint Louis Rapid & Blitz 2025 արագ եւ կայծակնային շախմատի մրցաշարի հաղթողի կոչումը՝ վաստակելով նաեւ 40 հազար դոլար։
Օգոստոսի 14-ից անցկացված կայծակնային շախմատի ներկայացուցչական մրցաշարին մասնակցում էին 10 ուժեղագույն գրոսմայստերներ։
Լեւոն Արոնյանը հաղթանակն ապահովեց կայծակնային շախմատի ներկայացուցչական մրցաշարի ավարտից 2 խաղափուլ առաջ:
Վերջին տուրում Արոնյանը սեւ ֆիգուրներով պարտության մատնեց ֆրանսիացի Մաքսիմ Վաշիե-Լագրավին եւ 24,5 միավորով դարձավ մրցաշարի հաղթող:
Արագ եւ կայծակնային շախմատի մրցաշարերի հանրագումարով առաջատար եռյակը հետեւյալն է՝
Լեւոն Արոնյան՝ 24,5 միավոր
Ֆաբիանո Կարուանա՝ 21,5 միավոր
Մաքսիմ Վաշիե-Լագրավ՝ 21 միավոր
news.am