Օգոստոսյան շոգի ևս մեկ շաբաթ
- 13:15 18.08.2025
Առաջիկա հինգ օրերին ամբողջ Հայաստանում կհաստատվի ուժեղ շոգ, ասել է Հիդրոօդերևութաբանության և մոնիթորինգի կենտրոնի փոխտնօրեն Գարիկ Սուրենյանը։
Նրա խոսքով՝ երկիրը կգտնվի հարավից եկող տաք օդային հոսանքների ազդեցության տակ։
Օգոստոսի 18-ից 19-ը Լոռիում, Տավուշում և Սյունիքում ջերմաստիճանը օրվա ընթացքում կբարձրանա 8-10 աստիճանով, իսկ մյուս շրջաններում, այդ թվում՝ Երևանում, 4-6 աստիճանով։ Ամենատաք օրերը կանխատեսվում են օգոստոսի 19-ին և 20-ին։ Արարատյան հովտում և Երևանում օդը կարող է տաքանալ մինչև 39 աստիճան։