Փեզեշքիան․ Իրանի համար Կովկասում խաղաղություն ունենալը ռազմավարական առաջնահերթություն է

«Մենք միշտ Հայաստանի Հանրապետության տարածքային ամբողջականությունը պաշպանել ենք, դա մեր քաղաքականությունն է։ Ցանկացած ուժի կիրառմանը տարածաշրջանում դեմ ենք եւ գտնում ենք, որ տարածաշրջանում ղեկավարումը պետք է լինի կովկասյան։ Խնդիրների արտահանձնումն արտատարածաշրջանային տերություններին տարածաշրջանի իրավիճակն ավելի է բարդացնում»,- այսօր  Երեւանում հրավիրած ասուլիսում ասաց Իրանի նախագահ Մասուդ Փեզեշքիանը։

Նա նշեց, որ Իրանի համար Կովկասում խաղաղություն ունենալը ռազմավարական առաջնահերթություն է, եւ Իրանն աջակցում է Հայաստանի ու Ադրբեջանի միջեւ խաղաղության բանակցությունները։ «Իրանի դիրքորոշումը եղել է Կովկասում սահմանների անփոփոխության մասին։ Մենք գտնում ենք, որ փոփոխությունները կարող են գեոպոլիտիկ մրցակցության պատճառ դառնալ։ Իրանը ցանկանում է Հայաստանի հետ բոլոր ոլորտներում իր հարաբերությունները զարգացնել եւ հասցնել ստրատեգիական մակարդակի»,- ասաց նա։

Մասուդ Փեզեշքիանը հավելեց, որ տնտեսական ոլորտում եւս հնարավոր է եկու երկրների համագործակցության մակարդակը բարձրացնել։