Իսրայելը մերժում է Համասի հետ հրադադարը և պատրաստվում է օկուպացնել Գազան

Իսրայելը պահանջում է ազատ արձակել Համասի կողմից դեռևս պահվող բոլոր պատանդներին, BBC-ին ասել է կառավարության խոսնակ Դեյվիդ Մենսերը, այն բանից հետո, երբ պաղեստինյան խումբը ընդունել է 60-օրյա հրադադարը և պատանդների կեսի ազատ արձակումը։

Առաջարկը միջնորդ երկրներ Քաթարից և Եգիպտոսից էր, և «գրեթե նույնական» էր ԱՄՆ-ի առաջարկին, որը Իսրայելը նախկինում ընդունել էր, ըստ Քաթարի դիվանագետների։

Հունիսին ԱՄՆ նախագահի դեսպան Սթիվ Վիտկոֆը առաջարկեց 60-օրյա հրադադար՝ 10 կենդանի պատանդների ազատ արձակմամբ և առաջին և յոթերորդ օրերին 18 զոհվածների մնացորդների հանձնմամբ։ Դրա դիմաց Իսրայելը ազատ կարձակեր ցմահ բանտարկության մեջ գտնվող 125 պաղեստինցի բանտարկյալների, Գազայի հատվածում ձերբակալված 1111 մարդու և կհանձներ 180 զոհված պաղեստինցիների մնացորդները։

Այն ժամանակ Իսրայելը ընդունեց առաջարկը, բայց Համասը մերժեց այն, մասամբ այն պատճառով, որ այն չէր երաշխավորում, որ ժամանակավոր հրադադարը կդառնա մշտական։

Իսրայելը բացահայտորեն չմերժեց նոր առաջարկը, բայց Մենսերն ասաց, որ կառավարությունը այլևս հետաքրքրված չէ «կիսատ գործարքներով»։

«Այժմ ամեն ինչ փոխվել է։ Վարչապետը ներկայացրել է Գազայի ապագայի ծրագիր», – հավելել է մամուլի խոսնակը։ Հիշեցնենք, որ դա Գազայի օկուպացիայի ծրագիր է։