Այսօր Գազայում հինգ լրագրող է սպանվել

Օգոստոսի 25-ին Գազայի հատվածի Խան Յունիս քաղաքի Նասեր հիվանդանոցի վրա Իսրայելի կողմից իրականացված օդային հարվածների հետևանքով զոհվել է 20 մարդ, այդ թվում՝ հինգ լրագրող։ Նրանք աշխատել են Reuters, NBC, Al Jazeera, AP և Quds Feed Network հեռուստաալիքներում։

Ռոյթերսը հայտնել է, որ Գազայի հատվածում պատերազմի սկսվելուց ի վեր Իսրայելի հարձակումների հետևանքով զոհվել է ավելի քան 200 լրագրող։ Իսրայելը մեղադրվում է Գազայում անկախ լրագրությանը խոչընդոտելու ցանկության մեջ։ Իսրայելի կառավարությունը հերքում է մեղադրանքները։