Բաքուն խոստովանում է․ նա դեռ ոչինչ չի ստացել

Ստեփանակերտ, 2023-ի սեպտեմբերի 19-ը

907-րդ բանաձևի չեղարկումը Ադրբեջանի և ԱՄՆ-ի միջև համագործակցության նոր փուլի սկիզբ է, հայտարարել է Ադրբեջանի արտգործնախարար Ջեյհուն Բայրամովը։ Նա սակայն հավելել է, որ այդ ուղղությամբ ԱՄՆ Կոնգրեսի հետ համապատասխան աշխատանքներ կիրականացվեն՝ երկու երկրների միջև կապերն էլ ավելի ամրապնդելու համար։

907-րդ բանաձևը իրականում կարող է չեղարկել միայն Կոնգրեսը, և Բայրամովը խոստովանում է, որ 1992 թվականից դա չի արվել։

Նա նաև ասել է, որ Բաքուն ակնկալում է, որ Երևանը կփոփոխի Հայաստանի Սահմանադրությունը և «լիովին կվերացնի Ադրբեջանի նկատմամբ տարածքային պահանջները՝ խաղաղության համաձայնագիր ստորագրելու համար»։

Բայրամովը նշել է, որ Վաշինգտոնում ստորագրված համատեղ հռչակագրում «հատկապես ընդգծվում է Նախիջևանի հետ անխոչընդոտ հաղորդակցության կարևորությունը՝ որպես Ադրբեջանի անբաժանելի մաս»։

Արցախը և Նախիջևանը “անբաժանելի մաս” կդառնան միայն ՀՀ Սահմանադրությունը փոխելու և Կարսի պայմանագրով սահմանված սահմանները “հաստատելու” դեպքում։ Հենց դա է պետք Բաքվին, և նա դեռ չի ստացել դա։ 

Մինչև այս տարվա հունվարի վերջը «Հայաստանը չի ընդունել միջազգային դատարաններից հայցերի հետկանչի և սահմանին երրորդ ուժերի տեղակայման անթույլատրելիության վերաբերյալ կետերը» – հատարարել է Բայրամովը, ասելով, որ Վաշինգտոնում դա արվել է։ Սակայն համաձայնագիրը դեռ չկա, և պարզ չէ, հայցերը հետ կկանչվե՞ն, թե՞ ոչ։

Բայրամովը փաստորեն խոստովանում է 3 հիմնական հարց, որոնց լուծումը չի կարողավել ստանալ, չնայած ագրեսիային, ցեղասպանությանը և հայերի տեղահանությանը․ 1․ ԱՄՆ Կոնգրեսը դեռ չի չեղարկել 907-րդ բանաձևը, որը 1992 թվականից Ադրբեջանին ագրեսոր է ճանաչում, 2․ Արցախը և Նախիջևանը չեն ճանաչվում Ադրբեջանի “անբաժանելի մաս”, քանի  դեռ ՀՀ Սահմանադրությունը փոխված չէ, 3․ Հայաստանը հետ չի կանչել Ադրբեջանի դեմ հայցերը միջազգային դատարաններից, որոնք Արցախում էթնիկ զտումը ճանաչող միջանկյալ որոշումներ ունեն։