Առաջին կուրսում սովորող արցախցիները ևս կստանան կրթաթոշակ՝ ուսման վարձի փոխհատուցման համար
- 17:57 27.08.2025
Վերջին շրջանում մեզ հաճախ են դիմում Ղարաբաղից տեղահանված ընտանիքները, նշելով, որ պետությունը նախորդ տարի ունեցավ որոշում, որ ուսման վարձի փոխհատուցման համար կրթաթոշակ տրամադրվեց առաջին կուրս ընդունվածներին, ես ուզում եմ նշել, որ այս քաղաքականությունը կշարունակվի։ Այս մասին, այսօր՝ օգոստոսի 27–ին, մամուլի ասուլիսի ժամանակ հայտարարեց ԿԳՄՍ նախարար Ժաննա Անդրեասյանը:
«Այսինքն բոլոր նրանք, որոնք ընդունվել են առաջին կուրս բարձրագույն կրթության մակարդակում, մենք խոսում ենք շուրջ 240 ուսանողի մասին մեր տվյալներով, և նրանք, որոնք կընդունվեն ՄԿՈՒ համակարգ, վճարովի համակարգով, կստանան պետության կողմից կրթաթոշակ ուսման վարձի փոխհատուցման համար։
Առաջիկայում կլինեն համապատասխան կառավարության որոշումները, բայց ես կարևոր եմ համարում դա կոմունիկացնել, որովհետև գիտեմ, որ այս հարցը բավականին բարձրացվում է և տեղին է։ Մյուսները արդեն իսկ ստանում էին, այսինքն նրանք, որոնք արդեն ընդունվել էին և ստանում էին այս ծրագրի շահառու էին, նրանք, ովքեր նոր են ընդունվում, նրանց համար նույնպես պետությունը կկիրառի այս նույն քաղաքականությունը նույն պայմաններով»,– ընդգծեց նախարարը։