Փաշինյանն ասաց, որ 2020 թվականի նոյեմբերի 9-ի հայտարարությունը անցյալում է մնացել
- 14:39 28.08.2025
Նիկոլ Փաշինյանն այսօր ասաց, որ 2020 թվականի նոյեմբերի 9-ի եռակողմ հայտարարությանը վերադառնալը իմաստ չունի, քանի որ այս փաստաթուղթն անցյալում է մնացել։ Նրա խոսքով՝ 2025 թվականի օգոստոսի 8-ին Հայաստանի և Ադրբեջանի միջև հաստատվել է խաղաղություն։
Ի՞նչ է նշանակում՝ նոյեմբերի 9-ի հայտարարությունը անցյալում է։ Ընդամենը մի քանի օր առաջ ռուսական կողմը հայտարարեց, որ փաստաթուղթն ուժի մեջ է։ Ի՞նչ է փոխվել այդ ժամանակվանից։ Թուղթը պարզապես դե՞ն են նետել։ Իսկ ի՞նչ է լինելու այս փաստաթղթով ձևավորված իրողությունների հետ։ Դրանք է՞լ են անցյալում։