Աֆղանստանում ուժեղ երկրաշարժի հետևանքով զոհվել է ավելի քան 800 մարդ
- 14:22 01.09.2025
Աֆղանստանի արևելքում տեղի ունեցած 6.0 մագնիտուդով երկրաշարժի հետևանքով զոհվել է ավելի քան 800 մարդ, մոտ 2800-ը՝ վիրավորվել, հայտնել է «Թալիբան»-ի կողմից վերահսկվող Աֆղանստանի կառավարության խոսնակը։
Գործակալության տվյալներով՝ Կունար նահանգը, որտեղ գտնվում էր երկրաշարժի էպիկենտրոնը, լրջորեն վնասվել է, սակայն դեռևս ճշգրիտ տվյալներ չկան զոհվածների և վիրավորների մասին, քանի որ տարածաշրջանում բջջային կապը խափանվել է, իսկ որոշ տարածքներ մուտք գործելը շատ դժվար է ավերածությունների պատճառով։
Փրկարարները փորձում են հասնել տարածաշրջանի հեռավոր գյուղեր, որտեղ պարբերաբար երկրաշարժեր և ջրհեղեղներ են տեղի ունեցել, Reuters-ը մեջբերում է իշխանությունների հայտարարությունը։ Դրանցից յուրաքանչյուրում զոհվածների թիվը կարող է տասնյակներով լինել։
Երկուշաբթի գիշերը Աֆղանստանի արևելքում՝ Կունար նահանգում, ուժեղ երկրաշարժ է տեղի ունեցել։ ԱՄՆ երկրաբանական ծառայության տվյալներով՝ էպիկենտրոնը գտնվել է Ջալալաբադից 27 կիլոմետր հյուսիս-արևելք՝ ութ կիլոմետր խորության վրա։ Ուժգնությունը կազմել է վեց մագնիտուդ։ Երկրաշարժը զգացվել է Քաբուլում և Պակիստանի մայրաքաղաք Իսլամաբադում։