«Սկզբում Սյունիքում լինելու է շատ լավ, բայց երկարաժամկետ կտրվածքով Սյունիքը հայթափավելու է»
- 18:59 02.09.2025
«Սյունիքին սպասվում է հետեւյալ ճակատագիրը՝ սկզբնական շրջանում Սյունիքում լինելու է շատ լավ, բայց երկարաժամկետ կտրվածքով Սյունիքը հայթափավելու է»,- Ազատության հրապարակում լրագրողների հետ ճեպազրույցում ասաց Արցախի Պաշտպանության բանակի նախկին հրամանատար Մովսես Հակոբյանը։
Նա անդրադարձավ Վաշինգտոնում նախաստորագրված փաստաթղթին․ «Նախաստորագրված փաստաթուղթում կա փոխադրաձության սկզբունք, այդ փոխադարձության սկզբունքը շատ վտանգավոր է։ Դա ներկայացնում են որպես դրական, բայց այդ փոխադրաձությունը վերաբերելու է ուրիշ բանի։ Ենթարդւոմ եմ, որ փոխադարձության սկզբունքով Ադրբեջանի քաղաքացիները հատելու են ՀՀ ինքնիշխան տարածքը, հայերին էլ ասում են՝ դուք էլ կարող եք հատել Ադրբեջանի սահմանը։
Եթե մարդ աշխարհագրությունից տեղյակ է եւ հասկանում է մեր բնակչության բաշխվածությունն ու տնտեսության վիճակը, պիտի հասկանա, որ դա մեկը 20 հազարի հարաբերակցություն է։ Բայց կա եւս մեկ բայց․ Ադրբեջանի քաղաքական իշխանությունը չի հրաժարվում ուժի սպառնալիքից։ 2022 թվականի ռազմական գործողությունների արդյունքում իրենք այնպիսի բնագծերում են գտնվում, որտեղից հնարավոր է ապահովել իրենց քաղաքացիների անվտանգ տեղաշարժը Հայաստանում»։