Թրամփը ԱՄՆ պաշտպանության նախարարությունը վերանվանել է Պատերազմի նախարարություն
- 12:04 06.09.2025
Սեպտեմբերի 5-ին Դոնալդ Թրամփը ստորագրեց իր 200-րդ նախագահական հրամանագիրը։ Այս փաստաթղթով նա ԱՄՆ Պաշտպանության նախարարությունը վերանվանեց Պատերազմի նախարարություն։ Այսպես էր կոչվում պաշտպանական գործակալությունը Երկրորդ համաշխարհային պատերազմի ավարտից առաջ։
Անվանափոխության պաշտոնական ձևը, ինչպես նաև նոր գերատեսչության ստեղծումը պահանջում է Կոնգրեսի հաստատումը, ուստի վերանվանումը պաշտոնական չի լինի։
Հրամանագրի համաձայն՝ Պենտագոնի ղեկավար Փիթ Հեգսեթը այժմ կարող է իր պաշտոնը անվանել «Պատերազմի նախարար»։
«Պատերազմի նախարարություն» անվանումը ավելի ուժեղ ազդանշան է ուղարկում ԱՄՆ պատրաստվածության և վճռականության մասին, քան «Պաշտպանության նախարարություն» անվանումը, որը կենտրոնանում է միայն մեզ պաշտպանելու կարողության վրա», – ասվում է հրամանագրում։
Փաստաթղթի համաձայն՝ վերանվանումը «կկենտրոնացնի գործակալությունը մեր ազգային շահերի վրա և կազդարարի հակառակորդներին, որ Ամերիկան պատրաստ է պատերազմ սկսել մեր շահերը պաշտպանելու համար»։