Գալյան․ Դեռ Անկախության հռչակագրին չենք անդրադարձել

Արդարադատության նախարար Սրբուհի Գալյանն այսօր լրագրողերի հետ ճեպազրույցում հայտարարեց․ «Խաղաղության պայմանագիրը նախաստորագրվել է, եւ խաղաղություն հաստատվել է։ Իսկ Սահմանադրության մեր ներքին գործն է եւ մեր ժողովրդի գործն է»։

Լրագրողները հիշեցրին, որ Ադրբեջանը ռազմական հանցագործություներ է նիրականացրել Արցախում ու Հայաստանում, ՀՀ իշխանությունները դա մոռանո՞ւմ են։ Ի պատասխան Գալյանն ասաց․ «Խաղաղությունն ունի գին եւ այդ գինը վճարել թե չվճարել, որոշում է ժողովուրդը։ Մենք առաջնորդվում ենք խաղաղության օրակարգով, որը թելադրված է մեր ժղովրդի կողմից։

Ինչ վերաբերում է գերիներին, դա ցավոտ հարց է, բայց այս ընթացքում նման կարգավիճակ ունեցող անձանց մեծ մասը մեր կառավարության ջանքերի շնորհիվ վերադարձվել են Հայաստան։ Եվ ես լիահույս եմ, որ առաջիկայում զարգացումները կգնան այն ուղղությամբ, որ այն անձնինք, ովքեր գտնվում են ոչ մեր պետության տարածքում, կվերադարձվեն մեր պետություն»։

Սրբուհի Գալյանը նաեւ նշեց, որ Սահմանադրական փոփոխությունների վերաբերյալ նոր նյութերի շարքն արեն իսկ ուղարկվել է խորհրդի անդամներին։ Նախատեսում են հաջորդ շաբաթ ունենալ մեկ նիստ։

«Ինչ վերաբերում է Անկախության հռչակագրին անդրադարձին, այս անգամ ուղարկված նյութերում եւ առաջիկա նյութերում չեմ կարծում, որ տեղ կգտնի։ Բայց հենց տեղ գտնի եւ քննարկվի, առաջին հերթին հանրային տարբերակով իրազեկումները կիրականացվեն։ Դեռ այս հարցը չի քննարկվել»,- ասաց նա։