Եղիշե Մելիքյանը կփորձի Հենրիխ Մխիթարյանին վերադարձնել Հայաստանի ազգային հավաքական
- 18:58 11.09.2025
Հայաստանի ֆուտբոլի ազգային հավաքականի գլխավոր մարզիչ Եղիշե Մելիքյանը մտադիր է մեկնել Իտալիա և անձամբ հանդիպել ազգային հավաքականի նախկին ավագ Հենրիխ Մխիթարյանի հետ։ Մելիքյանը այս մասին հայտարարել է Հայաստանի հանրային հեռուստատեսության եթերում։
«Ես հաճախ եմ շփվում Հենրիխ Մխիթարյանի հետ, այսօր էլ խոսել եմ նրա հետ։ Կարծում եմ՝ պետք է գնամ Իտալիա և անձամբ խոսեմ նրա հետ։ Անպայման կփորձեմ դա անել (Մխիթարյանին վերադարձնել ազգային հավաքական – խմբ.)։ Դեռ չգիտեմ նրա կարծիքը այս հարցի վերաբերյալ», – ասել է Մելիքյանը։