Նիդեռլանդները, Իռլանդիան, Սլովենիան և Իսպանիան կբոյկոտեն «Եվրատեսիլ 2026»-ը, եթե Իսրայելը մասնակցի
- 20:31 12.09.2025
BBC-ն հաղորդում է, որ Նիդեռլանդները դարձել է չորրորդ երկիրը, որը սպառնում է բոյկոտել 2026 թվականի «Եվրատեսիլ» երգի մրցույթը, եթե Իսրայելին թույլատրվի մասնակցել։
Հոլանդական հանրային հեռարձակող AvroTros-ի տվյալներով՝ հեռարձակողը հաշվի է առել Գազայում սպանված լրագրողների մեծ թիվը՝ որոշելով բոյկոտել 2026 թվականի մրցույթը։
2023 թվականի հոկտեմբերին պատերազմի սկսվելուց ի վեր Գազայում սպանված լրագրողների թիվը հասել է գրեթե 200-ի։
Ավելի վաղ Իռլանդիան, Սլովենիան և Իսպանիան հայտարարել էին մրցույթին մասնակցելուց հրաժարվելու մասին՝ ի նշան Գազայում Իսրայելի կողմից պատերազմի դեմ բողոքի։