Թրամփը Հայաստանն անվանեց Ալբանիա, իսկ Տեր-Պետրոսյանը Նիկոլին՝ Հայաստանի փաշա
- 23:05 12.09.2025
Ես լուծել եմ պատերազմներ, որոնք հնարավոր չէր դադարեցնել։ Ադրբեջան և Ալբանիա (նկատի ունենալով Հայաստանը – խմբ.): Այն տևեց շատ, շատ տարիներ: Fox News-ին տված հարցազրույցում հայտարարել է ԱՄՆ նախագահ Դոնալդ Թրամփը։
«Իմ գրասենյակում էին (Հայաստանի – խմբ.) վարչապետը և (Ադրբեջանի – խմբ.) նախագահը: Նրանք նստած էին միմյանցից հեռու, և ես ասացի. «Եկեք գրկախառնվենք և խաղաղություն կնքենք»: Մենք միևնույն է լուծել ենք այդ խնդիրը»,- նշել է Թրամփը:
«Նիկոլը ձեռնոց է նետում ողջ հայ ժողովրդին», – Հայաստանի առաջին նախագահ Լևոն Տեր-Պետրոսյանն արձագանքում է վարչապետ Նիկոլ Փաշինյանի հայտարարությանը, թե Էջմիածնում հոգևոր հավաքի ժամկետներն ու բովանդակությունն են քննարկում:
«Հայաստանի փաշա Նիկոլայը օրերս կրկին հոխորտացել է, որ չի հրաժարվելու Էջմիածնում խոշոր հանրահավաք անցկացնելու սպառնալիքից», – Ֆեյսբուքում գրել է է Տեր-Պետրոսյանը։