Տիգրան Խզմալյանը հայտարարում է արշավ՝ Ալիևին միջազգային հանցագործ ճանաչելու նպատակով
- 16:15 18.09.2025
Վաղը Արցախի Հայրենազրկման երկրորդ տարելիցն է։ «Հանուն ժողովրդավար պետականության» եւ Հայաստանի Եվրոպական կուսակցությունները սկսում են քաղաքական արշավ՝ Ադրբեջանի եւ նրա բռնապետ Ալիեւին միջազգային ատյաններում ռազմական հանցագործ ճանաչելու նպատակով՝ նոր Հայոց Ցեղասպանության եւ Արցախի հայաթափման, հնագույն քրիստոնեական համայնքի ոչնչացման համար։
ՀՀ իշխանության հանցավոր լռության, անգործության, հակահայկական գործելակերպի պայմաններում մենք կոչ ենք անում այլ կուսակցություններին եւ հասարակական կազմակերպություններին, հայկական եւ միջազգային իրավապաշտպան կառույցներին, արցախահայերին, Հայոց Եկեղեցուն, Սփյուռքին՝ միանալու մեր պայքարին։
Մենք հենվում ենք ՄԱԿ կանոնադրության, Ցեղասպանության հանցանքի կանխարգելման եւ պատժելիության Կոնվենցիայի, ինչպես նաեւ Հաագայի միջազգային դատարանի 2023 թ. նոյեմբերի 17-ի որոշման վրա, համաձայն որի արցախահայությունն ունի միջազգային երաշխիքներով ապահոված ազատ եւ անվտանգ վերադարձի իրավունք։
Միացե՜ք։
Հայաստանի Եվրոպական կուսակցության նախագահ Տիգրան Խզմալյան
Հանուն ժողովրդավար պետականության կուսակցության նախագահ Արսեն Սարգսյան