Արցախի Ազգային Ժողովը սեպտեմբերի 19-ը հայտարարել է Բռնի տեղահանության եւ պահանջատիրության օր
- 08:49 19.09.2025
Արցախի Հանրապետության Ազգային Ժողովի որոշումով սեպտեմբերի 19-ը հայտարարվել է Բռնի տեղահանության եւ պահանջատիրության օր: Համապատասխան փոփոխություն է մտցվել “Տոն եւ հիշատակի օրերի մասին” ԱՀ օրենքում:
Սեպտեմբերի 19-ը’ Արցախի Հանրապետության ժողովրդի բռնի տեղահանության օր
Ողջ աշխարհին է հայտնի, որ Ադրբեջանի Հանրապետության զինված ուժերի կողմից մեկնարկված լայնամասշտաբ ռազմական ագրեսիան’ընդդեմ Արցախի Հանրապետության, սկսվել է 2023 թվականի սեպտեմբերի 19-ին։
Այդ օրը դաջված է Արցախի ժողովրդի պատմական հիշողության մեջ։
Արցախի ժողովուրդը շարունակելու է պայքարը իր իրավունքների ճանաչման և վերականգնման համար, հանուն արժանապատիվ կյանքի և գոյության։
Այդ նպատակով 2025 թվականի սեպտեմբերի 19-ին Արցախի Հանրապետության Ազգային ժողովի արտահերթ նիստում ընդունվել է օրենք’ “Արցախի Հանրապետության տոների և հիշատակի օրերի մասին” օրենքում լրացում կատարելու մասին, համաձայն որի’ սեպտեմբերի 19-ը այսուհետ կնշվի որպես Արցախի Հանրապետության ժողովրդի բռնի տեղահանության և պահանջատիրության օր։