Մոսկվան թաքցնում է Ղրիմում իրականացվածի արդյունքները. այսօր ռմբակոծվել է Արմյանսկը

Սեպտեմբերի 25-ի ուշ երեկոյան և սեպտեմբերի 26-ի գիշերը մի քանի պայթյուններ ցնցեցին օկուպացված Ղրիմի տարբեր հատվածներ՝ ավերելով Արմյանսկում գտնվող ԱԴԾ շենքը։ Այս մասին հաղորդել է «Կրիմսկիյ Վետեր» Telegram ալիքը։

Իսկ մի քանի օր առաջ Ղրիմում իրականացվեց եզակի գործողություն։

Ուկրաինական գործողության թիրախը բարձրաստիճան ռուս պաշտոնյաների փակ հանդիպումն էր։ Հարվածի վայրի մոտ գտնվում է կառավարական թիվ 11 տնակը, որը հայտնի է որպես «Գորբաչովի տնակ» կամ «Զարյա» օբյեկտ, որը շուրջօրյա հսկվում է ԱԴԾ կողմից և ունի սեփական ՀՕՊ համակարգ։ Բայց պաշտպանական համակարգերը չեն ակտիվացել։ Ռուսական աղբյուրները անուղղակիորեն հաստատել են, որ հարվածներ են հասցվել բարձրաստիճան պաշտոնյաների։ Պաշտոնական Մոսկվայի հաղորդագրությունների համաձայն՝ հարձակման հետևանքով զոհվել է երեք մարդ, ևս տասնվեցը վիրավորվել են, որոնցից մի քանիսը ծանր վիճակում են։ Զոհերի ինքնությունը և միջադեպի մանրամասները գաղտնի են պահվում։

«Փարոս հյուրանոցի վրա հարձակումը ցույց է տալիս երկու բան։ Նախ՝ թշնամու հետախուզության լուրջ աշխատանքը, քանի որ այս հարձակումը ոչ միայն սինխրոնացվել է տոնակատարության հետ , այլև (…) հարվածը տեղի է ունեցել այն պահին, երբ բացարձակապես ոչ ոք չէր կարող սպասել դրան, և երբ դրա ազդեցությունը առավելագույնս թաքցվել էր… Հարվածը տեղի է ունեցել հրավառության ժամանակ», – գրել է Իգոր Ստրելկովը։

Պուտինը երկար և դժվար պատերազմ է մղում. նրանք կորցրել են մեկ միլիոն զինվոր, և չնայած վերջին երկու շաբաթների ընթացքում տեղի ունեցած այս ծանր ռմբակոծություններին, նրանք գործնականում ոչ մի առաջընթաց չեն գրանցել։ Մտածեք այդ մասին։ Նրանք գործնականում ոչ մի առաջընթաց չեն գրանցել։ Ռուսաստանը նույնիսկ տարածքներ է կորցնում, այլ ոչ թե ձեռք բերում, հայտարարել է Դոնալդ Թրամփը Էրդողանի հետ հանդիպման ժամանակ։