Եթե պատերազմը չլիներ. այսօր Ստեփանակերտի օրն է
- 20:53 27.09.2025
Սեպտեմբերի յուրաքանչյուր վերջին շաբաթ օրը նշվում էր Լեռնային Ղարաբաղի Հանրապետության մայրաքաղաք Ստեփանակերտի օրը։ Վերջին անգամ Քաղաքի օրը որպես իսկական տոն նշվել է 2020 թվականի սեպտեմբերի 26-ին։ Հաջորդ օրը սկսվեց 44-օրյա պատերազմը՝ բերելով ծանր փորձություններ և մեծ ազգային ողբերգություն։
Այսօր Ստեփանակերտը միտումնավոր ավերվում է։ Ադրբեջանի կառավարության նպատակը պարզ է՝ մոռացության մատնել ոչ միայն Ստեփանակերտի անունը, այլև նրա պատմությունը, հիշողությունը, Արցախում հայկական ժառանգությունը և նրա բնակիչների ունեցվածքը։
Բռնի տեղահանված Արցախի բնակիչների համար այս օրը այլևս տոն չէ, այլ կորստի և ցավի խորհրդանիշ։ Սակայն նրանց սրտերում Ստեփանակերտը հավերժ կմնա պայծառ և սիրելի քաղաք, արցախցիների կյանքի և հիշողությունների մի մասը։
Ալվարդ Գրիգորյան
