Դիվանագետ և զինվոր Երվանդ Հաջյանի հիշատակին
- 21:45 08.10.2025
Հինգ տարի առաջ՝ 2020 թվականի հոկտեմբերի 8-ին, 44-օրյա պատերազմի մարտերի ժամանակ զոհվեց ԼՂՀ արտաքին գործերի նախարարության սփյուռքի գործերի վարչության պետ Երվանդ Հաջյանը։
Ինչպես այն ժամանակ հայտնել է Լեռնային Ղարաբաղի ԱԳՆ-ն՝ Երվանդ Հաջյանը զոհվել է առաջնագծում։ Նա կամավոր էր և մասնակցում էր ռազմական գործողություններին պատերազմի առաջին օրերից, որը սանձազերծվել էր Բաքվի, Անկարայի և միջազգային ահաբեկիչների եռյակ դաշինքի կողմից։
Երվանտի ավագ եղբայրը՝ Նորայրը, որը ԼՂ Պաշտպանության բանակի պայմանագրային զինծառայող էր, հերոսական մահով զոհվեց Թալիշի մոտ՝ 2016 թվականի ապրիլին Բաքվի նացիստական ռեժիմի կողմից Արցախի դեմ չորսօրյա ագրեսիայի ժամանակ։
Նրանց հայրը՝ հայտնի լրագրող Միքայել Հաջյանը գրել է «Թալիշի դիրքերում» երգի խոսքերը, որի երաժշտությունը ստեղծել է լիբանանցի Վահրամ Էմմիյանը։ Երգը նվիրված է Նորայր Հաջյանին և նրա ընկեր Սարգիս Խաֆալյանին, որոնք զոհվել են չորսօրյա Արցախյան պատերազմում։ Հաջյան ընտանիքի հայր Միքայելը ծնվել և մեծացել է Բաքվում, որտեղից նրա ընտանիքը փախել է 1990-ականների սկզբին և հաստատվել իրենց նախնիների հայրենիքում՝ Արցախում։
Նորայր և Երվանդ Հաջյանների այրիները և երեխաները 2023 թվականին կորցրել են նաև իրենց հայրենիքը, իրենց տները և ամուսինների ու հայրերի գերեզմանները։
Հիմա պարոն Փաշինյանը և նրա թիմը խնդրում են մեզ մոռանալ այս ամենը։
Հայրենիքի համար ընկած հերոսների լավագույն հուշարձանը կլինի Բաքվի նացիստներից ազատագրված և վերածնված Արցախը։ Մենք հավատում ենք դրան, կսպասենք այդ օրվան։
Հավերժ հիշատակ հերոսներին։
Արսեն Մելիք-Շահնազարով