Թրամփը հայտարարեց Չինաստանից ներմուծվող ապրանքների վրա լրացուցիչ 100% մաքսատուրքերի մասին
- 12:21 11.10.2025
ԱՄՆ նախագահ Դոնալդ Թրամփը հայտարարեց, որ նոյեմբերից սկսած Չինաստանից ներմուծման վրա լրացուցիչ 100% մաքսատուրքեր կսահմանի։
TruthSocial սոցիալական մեդիա հարթակում Թրամփի գրառման մեջ նշվում է, որ ԱՄՆ-ն նաև կարևորագույն ծրագրային ապահովման արտահանման վերահսկողություն կսահմանի։
Ուրբաթ օրը ԱՄՆ նախագահը կտրուկ արձագանքեց Պեկինի որոշմանը՝ խստացնել հազվագյուտ մետաղների արտահանման կարգավորումները՝ մեղադրելով Չինաստանին «թշնամության» և «աշխարհը պատանդ պահելու» փորձի մեջ։
Նա սպառնաց չեղարկել Չինաստանի նախագահ Սի Ցզինպինի հետ հանդիպումը, բայց ավելի ուշ պարզաբանեց, որ չի չեղարկել այն, չնայած «վստահ չէ, որ դա տեղի կունենա»։
«Ես մեկ է այնտեղ կլինեմ», – Սպիտակ տանը լրագրողներին ասաց նա։
Հանդիպումը նախատեսվում է Հարավային Կորեայում կայանալիք Ասիա-խաղաղօվկիանոսյան տնտեսական համագործակցության գագաթնաժողովում, որը կկայանա է 2025 թվականի հոկտեմբերի 31-ից նոյեմբերի 1-ը։
Ֆինանսական շուկաները Թրամփի հայտարարությանը արձագանքեցին անկմամբ. S&P 500-ը փակվեց 2.7%-ով անկմամբ, ինչը ապրիլից ի վեր ամենաբարձր ցուցանիշն է։
Չինաստանը մնում է համաշխարհային առաջատարը հազվագյուտ մետաղների և ավտոմեքենաների, սմարթֆոնների և մի շարք այլ ապրանքների մեջ օգտագործվող այլ կարևոր նյութերի արտադրության մեջ։