Թրամփ. Իսրայելի և Համասի միջև պատերազմը Գազայում ավարտվել է
- 16:13 13.10.2025
ԱՄՆ նախագահ Դոնալդ Թրամփը հայտարարեց Գազայի հատվածում պատերազմի ավարտի մասին: Նա հայտարարեց դա ԱՄՆ-ից Իսրայել թռիչքի ժամանակ, ապա կրկնեց իր խոսքերը Ավետյաց երկրում, հաղորդում է Reuters-ը։
Առաջիկա տարիները խաղաղության տարիներ կլինեն Իսրայելի համար, հայտարարել է վարչապետ Բենիամին Նեթանյահուն՝ ելույթ ունենալով Քնեսեթում՝ Գազայի հատվածի վերաբերյալ Համասի հետ համաձայնագրի առաջին մասի իրականացման և ԱՄՆ նախագահ Դոնալդ Թրամփի Իսրայել այցի կապակցությամբ։
Գազայի հատվածում գտնվող իսրայելցի պատանդները, որոնք 737 օր գերի էին պահվում Համասի ահաբեկիչների կողմից, ազատ են արձակվել: Նրանց ազատ արձակումը ԱՄՆ նախագահ Դոնալդ Թրամփի խաղաղության ծրագրի իրականացման մի մասն է։
Հոկտեմբերի 13-ին Եգիպտոսում կկայանա միջազգային «խաղաղության գագաթնաժողով»: Հանդիպման ժամանակ նախատեսվում է ստորագրել «Գազայի հատվածում պատերազմը դադարեցնելու մասին համաձայնագիր»։
Համասը չի մասնակցի Շարմ էլ Շեյխում համաձայնագրի ստորագրմանը: «Միայն միջնորդները, ինչպես նաև ամերիկացի և իսրայելցի պաշտոնյաները կմասնակցեն արարողությանը», – ավելի վաղ հայտարարել էր Համասի խոսնակը։
Հանդիպումը համանախագահելու են ԱՄՆ-ի և Եգիպտոսի նախագահներ Դոնալդ Թրամփը և Աբդել Ֆաթթահ էլ Սիսին: Գագաթնաժողովին մասնակցելու է մոտ 20 համաշխարհային առաջնորդ: