Թրամփ. Ես լավ հարաբերություններ ունեմ Պուտինի հետ։ Դեռ ժամանակը չէ ավարտել ուկրաինական պատերազմը

«Լսե՛ք, ես շատ հիասթափված եմ, քանի որ Վլադիմիրի հետ շատ լավ հարաբերություններ ունեինք, հավանաբար, դեռ ունենք դրանք։ Նա պետք է կարգավորի այս պատերազմը։ Գիտեք, հենց հիմա Ռուսաստանում մարդիկ երկար հերթերում են կանգնած բենզինի համար։ <…> Եվ հանկարծ նրա տնտեսությունը կարող է փլուզվել», – ասաց Թրամփը։

Ուկրաինան շարունակում է հարձակվել Ռուսաստանի նավթավերամշակման գործարանների վրա, ինչն արդեն որոշակիորեն բենզինի պակաս է առաջացրել երկրում։ Սակայն, կարծես թե Ռուսաստանի եկամուտները կոմպեսացվում են ոսկու գների աննախադեպ աճով։

Դոնալդը, որը լավ հարաբերություններ ունի Վլադիմիրի հետ, պնդում է Ռուսաստանի դեմ տնտեսական, այլ ոչ թե ռազմական պատժամիջոցների վրա, Մոսկվան էլ լուռ շարունակում է իր ռազմական հարձակումը և կարող է ընդլայնել օկուպացիոն գոտին։

Երեկ Խարկովի մարզում ընդլայնվել է երեխաներ ունեցող ընտանիքների պարտադիր տարհանման գոտին։ Այս որոշումը կայացվել է Կուպյանսկի շրջանում անվտանգության իրավիճակի վատթարացման պատճառով։ Ռուսաստանը ակտիվորեն փորձում է գրավել Կուպյանսկը, և բնակիչների տարհանումը վկայում է իրավիճակի լրջության մասին։

Ռուսաստանը, ըստ երևույթին, պատրաստվում է նաև Օդեսայի վրա հարձակման։ Վլադիմիր Զելենսկին հայտարարել է, որ Օդեսայում կստեղծվի քաղաքային ռազմական վարչակազմ։

Ռուսաստանի կողմից գրավված տարածքը դեռևս բավարար չէ Թրամփի համար՝ Ուկրաինայում «խաղաղություն բերելու» գործողություն սկսելու համար։ Անհրաժեշտ է լայնածավալ պատերազմ Եվրոպայում։ Թրամփը պատրաստվում է Ուկրաինային հանձնել «Տոմահավկ» հրթիռները, որոնց Ռուսաստանը կարող է պատասխանել միայն մարտավարական միջուկային հարվածով, օգտագործելով այն, բնականաբար, ոչ թե Ամերիկայի, այլ Եվրոպայի ուղղությամբ։

Եվրոպան ակտիվորեն դեմ է արտահայտում Ուկրաինայի տարածքի օկուպացիայի ճանաչմանը, հասկանալով, որ դա կբերի Եվրոպայում տարածքային բալանսի փլուզմանը։ Սակայն բոլորը հասկանում են, որ «Տոմահավկ»-ների օգտագործումը կհանգեցնի ԵՄ-ի և Ռուսաստանի միջև պատերազմի։

Ցանկացած ելք Եվրոպայի համար հղի է մեծ տուրբուլենտությամբ, և Թրամփն ու Պուտինը ամեն քայլով բերում են դրան։