Աննախադեպ իրավիճակ Հայաստանում․ “նոր բարձրունքներ” հոգևորականների դեմ պատերազմում

Քննչական կոմիտեն փակել է դռները փաստաբանների դիմաց, որոնք այստեղ են շտապել քահանաների պաշտպանության գործում ներգրավվելու համար։ «Վերջին 20 տարում սա աննախադեպ իրավիճակ է, նման բան չի եղել, երբ մենք նույնիսկ ընդհանուր բաժին չենք կարողանում մուտք գործել ու ներգրավելու վերաբերյալ դիմում ներկայացնել»,-ասաց փաստաբան Մարինե Ֆարմանյանը։

«Տեղեկացանք, որ հոգևորականները հիմա վկայի կարգավիճակում են»,-ասաց Ֆարմանյանը։

«Մի քանի ժամ է մենք Մկրտիչ սրբազանի գտնվելու տեղի մասին տեղյակ չենք»,-ասաց փաստաբանը։

Չի բացառվում, քանի որ “իրավապաշտպանությունը” Հայաստանում նոր բարձրունքների է հասել։ Պարզվել է, որ «Իրազեկ քաղաքացիների միավորում» ՀԿ-ն է հաղորդում է ներկայացրել Գլխավոր դատախազություն: Այս մասին նշեց «Իրզաեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։

Նրանք “ուշադրությունն են հրավիրել այն փաստի վրա, որ Տեր Արամն իր խոսքում նշել է 2021-ին հավաքներին մասնակցելուն պարտադրելու մասին”:

“Այսօր էլ, որ ձերբակալությունները սկսեցին, մենք չգիտեինք, որ դա մեր հաղթրդման հիման վրա է, ընթացքում հասկացանք,- ասաց Իոաննիսյանը:

“Դանիել Իոաննիսյան, երբ հաղորդում ես ներկայացնում հոգևորականների դեմ, չես հետևո՞ւմ քո տված հաղորդման հիման վրա իրավապահ մարմինների անօրինական գործողություններին, թե ինչու են հոգևորականներին զրկում պաշտպանության իրավունքից, փատաբաններին թույլ չեն տալիս մուտք գործել Քննչական կոմիտե կամ հայտնի չէ, թե ուր են տարել Արագածոտնի թեմի առաջնորդին, փաստաբանները նրա տեղը չգիտեն”։ Այս մասին Facebook–ի իր էջում գրել է իրավապաշտպան Ժաննա Ալեքսանյանը։

Հայոց Եկեղեցու վեց քահանայի և Արագածոտնի թեմի առաջնորդի ձերբակալությունը, նրանց նկատմամբ հետապնդումը Եկեղեցու նկատմամբ Նիկոլ Փաշինյանի նախաձեռնած քաղաքական արշավի մաս է՝ նախապես գծած ծրագրով։ Այս մասին Facebook–ի իր էջում գրել է Հայաստանի նախկին ՄԻՊ Արման Թաթոյանը։

Նիկոլ Փաշինյանի քաղաքական հետապնդումները և ադրբեջանական հայտարարությունները Հայոց Եկեղեցու դեմ, ինչպես միշտ, այսօր էլ ձեռք ձեռքի տված են. ընդամենը մի քանի օր առաջ Ադրբեջանի հոգևոր առաջնորդը Հայոց Եկեղեցու դեմ հանդես եկավ թշնամական հայտարարություններով ու սադրիչ, անհիմն մեղադրանքներով, գրել է Թաթոյանը։

Իշխող «Քաղաքացիական պայմանագիր» խմբակցության պատգամավոր Լուսինե Բադալյանը Բադալյանը  քննադատել է այն տպավորություն ստեղծելու փորձը, թե Հայաստանի իշխանությունները ամեն ինչ անում են Ադրբեջանի ցուցումով։

«Եթե նրանք շարունակում են մնալ հոգևորական և դրա քողի ներքո երկրի ներսում դավեր են նյութում, ապա նրանք պետք է պատժվեն օրենքի ողջ խստությամբ», – ընդգծել է պատգամավորը։

Երևան քաղաքի քննչական կոմիտեում են գտնվում Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ քահանաները, ինչպես նաև Արագածոտնի թեմի առաջնորդ Մկրտիչ եպիսկոպոս Պռոշյանը: Հիշեցնենք, որ Մկրտիչ սրբազանը՝ Կաթողիկոս Գարեգին Երկրորդի քրոջ որդին է։ Կա՞ արդյոք վտանգ, որ զարմիկին “պատանդ” կվերցնեն՝ Կաթողիկոսին հրաժարականի մղելու համար։