Ամստերդամի կարևոր հայտարարությունը․ ինչ է Բաքուն ուզում Հայ եկեղեցուց

Ադրբեջանը հետապնդում է երկու հայ միլիարդատերերի՝ Ռուբեն Վարդանյանին և Սամվել Կարապետյանին։ Եվ բոլորը պետք է հարց տան իրենց, թե ինչու է Սամվել Կարապետյանը Հայաստանում բանտարկված։ Այս մասին հոկտեմբերի 14-ին լրագրողների հետ հանդիպման ժամանակ հայտարարել է հայտնի փաստաբան Ռոբերտ Ամստերդամը։

«Ես մտադիր եմ ավելի խորը ուսումնասիրել այս հարցը։ Ադրբեջանի կողմից Լեռնային Ղարաբաղի բռնակցումից անմիջապես հետո հայկական եկեղեցու վրա հարձակումը… այստեղ ինչ-որ բան կա։ Կարելի է տեսնել տարբեր կապեր։ Ես ավելի խորը կուսումնասիրեմ պատճառահետևանքային կապերը», – նշել է նա։

Ամստերդամը դեռ չգիտեր, որ հոկտեմբերի 15-ի առավոտյան 10 հոգևորականներ, այդ թվում Կաթողիկոսի զարմիկը կձեռբակալվեն։ Եւ դա տեղի կունենա Բաքվից հնչած հայտարարությունից հետո։

“Ստեղծված իրավիճակում, երբ Ադրբեջանի և Հայաստանի իշխանությունները ձգտում են խաղաղություն կառուցել կառուցողական համագործակցության մթնոլորտում, Հայ եկեղեցին և սփյուռքը անում են ամեն ինչ՝ այս գործընթացը խափանելու համար ապակառուցողական քարոզչություն իրականացնելու համար։։ Այս մասին հայտարարել է Կովկասի մուսուլմանների վարչության նախագահ Ալլահշուքյուր Փաշազադեն ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ։

Ի՞նչ է ուզում Բաքուն Հայ Առաքելական եկեղեցուց։ Արդյո՞ք խնդիրը՝ այսպես կոչված Ադրբեջանի տարածքում, նաև զավթած Արցախում գոյություն ունեցող Հայ Առաքելական եկեղեցուն պատկանող հսկայական գույքն է։ Ի վերջո, ՀՀ կառավարությունը կարող է “ճանաչել” Արցախի տարածքի “պատկանելիությունը” Ադրբեջանին, բայց չի կարող զրկել Հայ Առաքելական եկեղեցին իր գույքից։

Գարեգին Բ Կաթողիկոսը, որը միացել է Արցախի հարցով Շվեյցարական նախաձեռնությանյը, խոսել է նաև ԱԱՍԵ ժառանգության մասին, որին մուտքը արգելված է։ Ընդ որում, եկեղեցու ամբողջ գույքի տիրակալ է համարվում Կաթողիկոսը։

Հակակաթողիկոսական արշավում վարչապետի տիկինը ուղիղ էր հարցրել, իր ձևակերպմամբ, «երկրի գլխավոր հոգևոր մաֆիոզին». «Շվեյցարիայում՝ ի՞նչ եք անում, ո՞ւմ եք անվտանգ ուղարկում հարազատ բնօրրան, ո՞ւմ եք անհապաղ ազատում գերությունից։ Դուք գիտե՞ք՝ հոգևորն ինչ է։ Ա՜յ քեզ նորություն»։

Գարեգին Բ Կաթողիկոսը հրաժարվում է Հայ եկեղեցուգույքի անշարժ գույքի իրավունքը փոխանցել այն երկրների կառավարություններին, որտեղ գույքը գտնվում է, այդ թվում Հայաստանին։ Այդ իրավունքը Եկեղեցուց խլելու համար պետք է փոխել Կաթողիկասին և այդ պաշտոնում նշանակելմեկին, ով առաջին կարգադրությամբ կհրաժարվի սեփականության իրավունքից՝ Արցախում, Բաքվում, Նախիջևանում, Պոլսում, Երուսաղեմում։