Ինչպես են գյումրեցիները արտահայտվում իշխանությունների մասին
- 17:47 20.10.2025
Կեօսօրին Գյումրիում մեծաթիվ ոստիկանական ուժեր էին կենտրոնացվել, քաղաքապետարանի շենքի մոտ էին հավաքվել քաղաքացիները եւ բողոքում էին քաղաքապետ Վարդան Ղուկասյանի ու քաղաքապետարանի այլ պաշտոնյաների ձերբակալության դեմ։ Գումրեցիներից մեկն ասաց, որ Փաշինյանն Ալիեւի պես զորք է ուղարկել իրենց վրա։
«Փաշինյանը թող հիշի, որ ստեղից սկսեց իր երթը, երեւանցիք իրեն բանի տեղ չդրին։ Բայց ինքը պիտի մեզնից հեռու մնա, շատ հեռու, ստղից սկսել է, ստեղից էլ ինքը կպրծնի»,- ասաց գյումրեցիներից մեկը։
Գյումրեցիներն ասում են, որ Փաշինյանը Գյումրիիի քաղաքապետի պաշտոնում ցանկանում է դնել իր դրածոյին, որպեսզի իր համար բարենպաստ իրավիճակ ստեղծի 2026 թվականի ընտրություններում։
«Ստեղ կա մի շիզոֆրենիկ, որը հային ատում է, դա գործող վարչապետն է։ Դավաճանի ձեռքը էս ժողովուրդն ու ոստիկաններն ընկել են կրակը։ Ստեղ արդեն հարցն էն է, որ հայը Հայաստանի մեջ պայքարում է հայ մնալու համար»,- ասաց ակցիայի մասնակիցներից մեկը։
Գյումրեցի մի կին էլ նշեց․ «Մեր զոհերի արյունը կորավ՝ Արցախը տալով։ Ոտնատակ տվեցին ամբողջ հայ ազգին, ամբողջ աշխարհը ծիծաղեց, այսպիսի ազգասեր, թասիբով ազգը կոտորել եք, հեռացեք։ Արցախը տվեցինք ու դուրս եկանք, շատ ամոթ է այս ազգի համար»
Գյումրիիի քաղաքապետարան է գնացել փոխոստիկանապետը եւ փորձում է հանգստացնել վրդովված գյումրեցիներին։