Ում ասում են՝ հարգանք է վայելում, տանում նստացնում են․ հիմա էլ Մասիսի քաղաքապետը

Վեց տարվա դատավարությունից հետո Մասիսի քաղաքապետ Դավիթ Համբարձումյանը մեղավոր ճանաչվեց ու դատապարտվեց 6 տարի 3 ամիս ժամկետով ազատազրկման: Նա գրավով ազատ էր արձակվել, դատարանը վերացրեց գրավը, ընտրեց կալանքը: Այս որոշումը դեռ ուժի մեջ չի մտել, փաստաբան Զորայր Հարությունյանն «Ազատությանը» փոխանցեց, որ բողոքարկելու են այն վերաքննիչ ատյան:

Դավիթ Համբարձումյանը մեղքը չի ընդունում:

Համբարձումյանը 2019-ից ամբաստանյալի աթոռին է, մեղադրվում է Նիկոլ Փաշինյանի առաջնորդած հեղափոխության օրերին Երևանի Հանրապետության հրապարակ շտապող հանրահավաքի մասնակիցների նկատմամբ զենքով բռնություն գործադրելու համար:

Դավիթ Համբարձումյանը մեծ հարգանք է վայելում ոչ միայն իր համայնքում և Հանրապետական կուսակցույունում, այլև արցախցիների շրջանակներում, ում մեծ աջակցություն է ցուցաբերել։ Նա նաև իմպիչմենտի գործընթացում վարչապետի թեկնածուն է։ 

Մարդ վախենում է ասել, որ այսինչը հարգանք է վայելում, միանգամից տանում բանտ են նստացնում։