Կարգալույծ Ստեփան Ասատրյանին թույլ չտվեցին հարսանիքի ծես իրականացնել
- 20:40 23.10.2025
Հովհաննավանքում այսօր՝ հոկտեմբերի 23–ին, պսակադրության արարողությունը, ըստ նախնական պայմանավորվածության, պետք է աներ Ստեփան Ասատրյանը՝ նախկին հոգևորական Տեր Արամը։
Սակայն ավելի ուշ փեսայի հայրը փոխել է որոշումը և պսակադրություն արել է օծյալ քահանան՝ Տեր Սարգիսը։
Նշենք, որ Ստեփան Ասատրյանը հայտարարել է, որ չի ընդունում, որ իրեն կարգալույծ են արել և իրեն շարունակում է համարել քահանա։
Տեր Արամը (Ստեփան Ասատրյան) չէր ցանկանում հանձնել եկեղեցու բանալիները այստեղ ժամանած հոգեւորականներին։ Այստեղ էին նաև ոստիկանության ծառայողներ և Օհանավանի բնակիչներ։ “Կաթողիկոսը չի կարող կին ու երեխա ունենալ։ Նկարները ունեմ, ապրելու տեղը ունեմ։ Կաթողիկոսը չի կարող ամուսնական կյանքով ապրել։ Կաթողիկոսը ամուսնացած է, երեխաներ ունի։ Կարգալույծ եղած կաթողիկոսը չի կարող ինձ կարգալույծ անել»։
Դիտարկմանը, որ 2020 թվականին ինքը ցանկանում էր Հայաստանը Կադիրովի նման ղեկավար ունենա, Ստեփան Ասատրյանն այսպես արձագանքեց․ «Ես հիմա էլ եմ Կադիրովի նման ղեկավար ցանկանում և սխալ չեմ համարում։ Դուք կարծում եք, որ Կադիրովը բռնապե՞տ է, այդ նույն բանը Չեչնիայում կարո՞ղ եք հայտարարել։