Թրամփի ներկայությամբ Թաիլանդը և Կամբոջան ստորագրեցին «խաղաղության պայմանագիր»

ԱՄՆ նախագահ Դոնալդ Թրամփը ժամանել է Մալայզիայի մայրաքաղաք Կուալա Լումպուր։ Սա նրա ասիական երկրներով շաբաթական շրջագայության առաջին կանգառն է, որի ընթացքում նա կմասնակցի երկու տարածաշրջանային կազմակերպությունների (ԱՍԵԱՆ Մալայզիայում և ԱԽՏՀ Հարավային Կորեայում) գագաթնաժողովներին և կայցելի Ճապոնիա։ Նրա ուղևորության գագաթնակետը, ինչպես սպասվում է, կլինի Չինաստանի նախագահ Սի Ցզինպինի հետ հանդիպումը։

Կիրակի օրը Թրամփի ներկայությամբ Թաիլանդի և Կամբոջայի առաջնորդները ստորագրեցին երկու երկրների միջև «խաղաղության համաձայնագիր», որն ուղղված է ռազմական հակամարտության դադարեցմանը։