Երասխ-Սադարակ հատվածի բացման առաջարկին Ադրբեջանն ի՞նչ է ասել
- 14:29 27.10.2025
«Պարոն Միրզոյան, եթե խաղաղության պայմանագրի տեքստն այդքան լավն է, մի հարց՝ այդ դեպքում ինչո՞ւ ադրբեջանական վերջին երկու առաջարկությունների հետ, իրենց խմբագրման հետ միանգամից չհամաձայնեցիք, այլ այն բանից հետո համաձայնեցիք, երբ Ադրբեջանը մոտ 2 ամիս հրետակոծում էր Սյունիքի՝ առնվազն երկու հայկական դիրք»,- Ազգային ժողովում ԱԳ նախարար Արարատ Միրզոյանին հարցրեց «Հայաստան» խմբակցության պատգամավոր Արթուր Խաչատրյանը։
Արարատ Միրզոյանն ասաց․ «Մենք առաջարկություն ներկայացրեցինք վերջին երկու հոդվածի վերաբերյալ, որոնց շուրջ չկար վերջնական համաձայնություն։ Եվ, ահա, ինչ-որ մի պահի մենք եկանք այն համոզման, որ այդ հոդվածների հետագա կատերալագործման ուղղությամբ ջանքերը եւ ժամանակը կարող են վտանգի տակ դնել մնացած բոլոր հոդվածներով ձեռք բերված համաձայնությունները։ Ավելին, այ մտադրությունները, որրոնք մենք դնում էինք այդ դեռեւս վերջնականորեն չհամաձայնեցված երկու հոդվածների կապակցությամբ մեր առաջարկների տակ, մենք եկանք համոզման, որ այդ ուղղությամբ աշխատանքները թեւերս ավելի դյուրին կերպով կընթանան, եւ ավելի դրական լուծման հնարավորություն կունենանք արդեն հաստատված խաղաղության պայմաններում։ Այս պատճառով էր, որ մենք մարտի կեսերին հայտարարեցինք, որ տեքստն այլեւս փոխհամաձայնեցված է»։
Արթուր Խաչատրյանը նաեւ ասաց․ «Եթե չբացվի Երասխ-Սադարակ հատվածը, էս կապի բացումը, ինչ ուզում է լինի, աշխարհի ամենալավ ճանապարհն էլ լինի, Հայաստանին բացարձակապես ոչ մի բան չի տալու։ Ադրբեջանն այդ առաջարկին ի՞նչ է ասել՝ կոնկրետ այդ ուղղությամբ աշխատանք կա, թե՞ չկա»։
Արարատ Միրզոյանը նշեց. «Պարոն Խաչատրյան, հավատացնում եմ ձեզ, էդ օրն էլ կգա, սաղ կբացվի, էդ էլ կտեսնենք»։