Հոկտեմբերի 27-ը, Արամ Սարգսյանը, Մեղրիի գործարքը և Թրամփի ճանապարհը
- 21:47 27.10.2025
Այսօր՝ հոկտեմբերի 27–ին, լրագրողների հետ զրույցում Վազգեն Սարգսյանի եղբայր Արամ Սարգսյանն ասաց. «Արտաքին քաղաքականության հետ կապված վարկածը, կապված Մեղրիի տարբերակի հետ, ստուգված չէ»,–ասաց նա։
Վազգեն Սարգսյանն ուզում էր հասնել նրան, որ Հայաստանի բանակն իր սպառազինությամբ որևէ կերպ չզիջի Ադրբեջանին, ասել է Արամ Սարգսյանը։
«Նա Սամվել Բաբայանի հետ մտել են Լևոն Տեր-Պետրոսյանի մոտ և ասել, թե մնացած 5 շրջաններով ինչ ուզում ես՝ կարող ես զիջել, բայց Քելբաջարն ու Լաչինը պահում ես, Լեռնային Ղարաբաղի անկախությունը ճանաչելուց հետո տալիս ենք նաև Քելբաջարը։ Բայց Լևոն Տեր-Պետրոսյանն ասել է, որ նման տարբերակ չունի։
Այսինքն՝ Վազգեն Սարգսյանի մոտեցումներին՝ պահեցին, չպահեցին, հիմա հաշտ եմ, հաշտ չեմ… լիքը բաների հետ հաշտ չեմ, ձեր հարցերի հետ էլ հաշտ չեմ, իմ խղճի հետ էլ հաշտ չեմ, կորցրածի հետ էլ հաշտ չեմ»,-ասաց Արամ Սարգսյանը։
Այսօր, հոկտեմբերի 27-ի ողբերգական դեպքերի 26-րդ տարելիցին, բազմաթիվ անգամ է հնչել, որ հանցագործությունը բացահատված չէ, քանի որ պարզ չեն պատվիրատուները։ Թեկուզ կուլիսներում Ռուսաստանի անունն են տալիս, ասում են, որ ողբերգությունը կապված էր Վազգեն Սարգսյանի և Դեմիրճյանի՝ ԱՄՆ-ի հետ ինչ-որ պայմանավորվածությունների հետ, պաշտոնապես այդ հարցը չի բարձրացվել, այդ թվում Փաշինյանի 7 տարվա կառավարման ընթացքում։
Ավելին, նույիսկ Թրամփի ճանապարհի մասին պայմանավորվածությունից հետո, որը Մեղրիի ուղու մոդիֆիկացիան է, հոկտեմբերի 27-ը մնում է չբացահայտված։