Պուտինը հայտարարեց Կուպյանսկում և Պոկրովսկում ուկրաինական զորքերի շրջափակման մասին
- 18:44 29.10.2025
Մոսկվայում ռազմական հոսպիտալ այցելության ժամանակ Պուտինը պնդեց, որ ուկրաինական զորքերը, իբր, «շրջափակված» են Պոկրովսկի և Կուպյանսկի տարածքներում, և նույնիսկ առաջարկեց վեց ժամով «ժամանակավոր հրադադար», որպեսզի «լրագրողները կարողանան խոսել ուկրաինացի զինվորների հետ»։
Սակայն ուկրաինական կողմը լիովին հերքեց այս պնդումները: DeepState վերլուծական պորտալի տվյալներով՝ մարտերը շարունակվում են, և Պոկրովսկը մնում է «մոխրագույն գոտի», որտեղ ուկրաինական ուժերը գործում են երկաթուղուց հարավ, իսկ ռուսական ուժերը՝ հյուսիսում։
Կրասնոարմեյսկի (Պոկրովսկ) գրավումը թույլ կտա ռուսական բանակին ստեղծել ցատկահարթակ Դոնբասի երկու խոշոր քաղաքների՝ Կրամատորսկի և Սլավյանսկի դեմ հետագա հարձակման համար, որոնք դեռևս վերահսկվում են ուկրաինական բանակի կողմից: Այս կարծիքը մեջբերում է Reuters-ը, որը Կրասնոարմեյսկն անվանում է «Դոնեցկի դարպաս»։
Պոկրովսկը, Կուպյանսկը, Կրամատորսկը և Ստավյանսկը Դոնեցկի մարզի այն հատվածի ամենամեծ բնակավայրերն են, որը մնում է Ուկրաինայի վերահսկողության տակ։ Ռուսաստանի կողմից Դոնեցկի մարզի մնացած մասի գրավումը կարող է հարթել խաղաղության ճանապարհը, քանի որ Արևմուտքն ու Ուկրաինան համաձայն են կանգ առնել առաջնագծում, իսկ Մոսկվան պահանջում է, որ այս գիծը անցնի Դոնեցկի մարզի սահմանների երկայնքով։