Կառավարությունը պայմանագրային զինծառայության պայմանները բարելավում է

Նիկոլ Փաշինյանը սոցցանցի իր էջում նոր տեսանյութ է հրապարակել:

«2025 թվականի Հայաստանում շարքային պայմանագրային զինծառայողը կարող է ստանալ ավելի քան 700 հազար դրամ աշխատավարձ»,- ասել է նա:

Իսկ «Հրապարակ» թերթը գրում է. «Իշխանությունը հրատապ ռեժիմով շարունակելու է կյանքի կոչել նախընտրական, պոպուլիստական նախագիծը՝ զինվորական ծառայությունը 2-ից 1,5 տարի դարձնելու վերաբերյալ։ Նախագիծն արդեն ուղարկվել է խորհրդարան եւ քննարկվելու է եկող քառօրյա նիստերի ընթացքում։

Մեզ ասացին, որ քննարկում են նաեւ պարտադիր զինվորական ծառայության տարիներն իբրեւ աշխատանքային ստաժ հաշվարկելու հարցը, եւ նախագծի տեսքով դա նույնպես կներկայացվի խորհրդարանի ընդունմանը”։