Պարոն «ոչ»-ը համը հանե՞լ է։ Լավրովին մեղադրվում են Պուտին-Թրամփ հանդիպման ձախողման համար
- 09:43 07.11.2025
Ռուսաստանի արտգործնախարար Սերգեյ Լավրովը Կրեմլի պաշտոնյաների կողմից մեղադրվել է սաբոտաժի մեջ, այն բանից հետո, երբ ԱՄՆ պետքարտուղար Մարկո Ռուբիոյի հետ նրա զրույցը խափանեց Վլադիմիր Պուտինի և Դոնալդ Թրամփի Բուդապեշտում նախատեսված հանդիպումը: Այս մասին հայտնել է ռուսական «Նեզիգար» Telegram ալիքը՝ հղում անելով աղբյուրներին:
Այս աղբյուրների համաձայն, Պուտինը «լուրջ զրույց» է ունեցել Լավրովի հետ գագաթնաժողովի չեղարկումից հետո, մինչդեռ որոշ պաշտոնյաներ կարծում են, որ նախարարը սաբոտաժ է իրականացրել:
Աղբյուրի խոսքով՝ շատերն այժմ համոզված են, որ Լավրովը կհետևի Սերգեյ Շոյգուին, ով անցյալ տարվա մայիսին հեռացվեց Ռուսաստանի պաշտպանության նախարարության ղեկավարի պաշտոնից: Աղբյուրը հավելում է, որ Լավրովը կորցրել է Կրեմլի ռեժիմի ղեկավարի բարեհաճությունը:
Ալիքը գրում է, որ Լավրովը, Ռուբիոյի հետ զրույցում կոշտ դիրքորոշում ընդունելով, կարծել է, թե արտահայտում է Պուտինի դիրքորոշումը, բայց դա, իբր, չի համապատասխանում իրականությանը:
Տեղեկությունները, որ «ցարը» մեղավոր չէ, և որ Պուտինը իրականում ցանկանում էր հանդիպել Թրամփի հետ, ենթադրում են, որ Մոսկվան սկսում է ԱՄՆ-Ռուսաստան համաձայնության նոր փուլ։ Բանակցությունները կարող են սկսվել կամ այն բանից հետո, երբ Պուտինը վերջնական գրավի Դոնեցկի մարզի մնացած քաղաքները, ինչի համար Թրամփը նրան ժամանակ է տվել, կամ եթե Պուտինը համաձայնվի Թրամփի ծրագրին՝ դադարեցնել պատերազմն այնտեղ, որտեղ զորքերը ներկայումս տեղակայված են։
Միջուկային շանտաժը, որին Պուտինը կրկին դիմում է վերջին օրերին, չեզոքացվեց ՆԱՏՕ-ի գլխավոր քարտուղարի խոսքերով. «Մենք այլևս ուշադրություն չենք դարձնում Պուտինի միջուկային հայտարարություններին»։
Այսպիսով, հասունանում են Լավրովի՝ «Պարոն «Ոչ»-ի հրաժարականը և Պուտին-Թրամփ նոր հանդիպումը։