Եկեք օգնենք Էրիկին

Էրիկ Պողոսյանին Արցախում ճանաչում էին շատերը։

Նա Քերոլայն Քոքսի անվան վերականգնողական կենտրոնի առաջին շահառուներից է: Մանուկ հասակից նրա մոտ ախտորոշվել է մկանային դիստրոֆիա:

Էրիկը հայտնի է իր մեծ տաղանդով և նկարչության հանդեպ կիրքով, որը դրսևորել էր մանուկ հասակից։ Նկարում է տասնչորս տարեկանից։ Մասնակցել է մրցույթների, ունի դիպլոմներ։ Էրիկի համար նկարելը ոչ միայն գործունեության տեսակ է, այլև արտաքին աշխարհի հետ հաղորդակցվելու միջոց։

Արցախից տեղահանվելուց հետո Էրիկն իր ընտանիքի հետ սկզբում հաստատվեց Վանաձորում, որտեղ չնայած բոլոր դժվարություններին շարունակում էր նկարել: Որոշ ժամանակ անց քաղաքի խոնավ կլիման էլ ավելի սրեց նրա առողջական խնդիրները։ Այդ պատճառով նրանք որոշեցին տեղափոխվել Արտաշատ՝ հույս ունենալով, որ չոր կլիման կբարելավի Էրիկի վիճակը։

Սակայն ցավոք, նրա առողջական վիճակը կտրուկ վատթարացավ, առաջացան շնչառական ծանր խնդիրներ: Նա հայտնվեց հիվանդաանոցում և երեք օր գտնվում էր կոմայի մեջ: Կոմայից դուրս գալուց որոշ ժամանակ անց Էրիկին տեղափոխեցին խնամքի կենտրոն:

Այժմ բուժումը շարունակելու և նախկին կյանքին վերադառնալու համար նա ունի բոլորիս աջակցության կարիքը: Անգամ չնչին ներդրումը չափազանց կարևոր է:

Փոխանցումների տվյալները՝

AMD — Beneficiary Account: 19300763663500

 EUR — Beneficiary Account: 19300763924104

 USD — Beneficiary Account: 19300834804001

 RUB — Beneficiary Account: 19300539974958

 Արսեն Աղաջանյան