Դիմակներով մարդիկ Նարեկ Սամսոնյանի և Վազգեն Սաղաթելյանի տներում
- 09:28 13.11.2025
«Իմնեմիմի» փոդքասթի հաղորդավարներ Նարեկ Սամսոնյանի և Վազգեն Սաղաթելյանի տները խուզարկվել են այսօր վաղ առավոտյան, և նրանք ձերբակալվել են, ըստ նրանց փաստաբան Ռուբեն Մելիքյանի։
Մելիքյանի խոսքով՝ նրանք «մեղադրվում են հին, բարի «խուլիգանության» մեջ»։
Քննչական կոմիտեն հայտնել է, որ քրեական գործի շրջանակներում իրականացվում են անհետաձգելի քննչական գործողություններ։ Սամսոնյանն արդեն ձերբակալվել է։
Անցյալ շաբաթ Սամսոնյանի և Սաղաթելյանի փոդքասթի հյուրն էր ՀՀ երրորդ նախագահ Սերժ Սարգսյանը։
Ալեն Սիմոնյանը հաղորդում է ներկայացրել իրավապահներին, որպեսզի իրավական գնահատական տան «Իմնեմնիմի» հաղորդման ժամանակ հնչած վիրավորական արտահայտություններին և սպառնալիքներին: Այս մասին NEWS.am-ին հայտնում է ԱԺ նախագահի մամուլի խոսնակ Մովսես Հարությունյանը: