Բաքվում հայտարարվեց օկուպացված Ստեփանակերտի վերաբնակեցման առաջին վիճակահանությունը
- 16:28 26.11.2025
Ադրբեջանի իշխանությունները սկսել են վերաբնակեցնել Արցախի օկուպացված մայրաքաղաքը։
Ըստ ադրբեջանական լրատվամիջոցների՝ տեղի է ունեցել Ստեփանակերտ քաղաքի «առաջին վերաբնակեցման վիճակահանություն»։
«Վիճակահանությունը որոշեց, թե որ տներում և բնակարաններում կապրեն ընտանիքները», – հաղորդել են լրատվամիջոցները։
Այսպիսով, Ադրբեջանի իշխանությունները վերաբնակեցնում են օկուպացված հայկական Ստեփանակերտ քաղաքը՝ առանց որևէ նշման, թե ովքեր են այդ վերաբնակիչները կամ ինչ կապ ունեն նրանք Լեռնային Ղարաբաղի հետ։ Ըստ երևույթին, վերաբնակիչները կտեղավորվեն տեղահանված հայերին պատկանող բնակարաններում կամ քանդված հայկական տների տեղում կառուցված տներում, գրում է news.am-ը։