Հոնկոնգի հրդեհի զոհերի թիվն աճում է, հարյուրավոր մարդիկ դեռևս անհետ կորած են համարվում
- 09:23 27.11.2025
Հոնկոնգի հյուսիսում գտնվող Վան Ֆուկ Քորթ բնակելի համալիրում տեղի ունեցած խոշոր հրդեհի հետևանքով, վերջին տեղեկությունների համաձայն, զոհվել է 44 մարդ, իսկ հարյուրավորները դեռևս անհետ կորած են համարվում։
Հոնկոնգի իշխանությունները հայտարարել են հրդեհի հետ կապված երեք անձի ձերբակալման մասին՝ չկանխամտածված սպանության կասկածանքով։
Իշխանությունները հայտնել են, որ շենքերի արտաքին մասում հայտնաբերվել են նյութեր, որոնք, կարծես թե, հրակայուն չէին։
Ավելի քան 700 մարդ աշխատել է հրդեհը մարելու համար, որը կլանել էր բարձրահարկ բնակելի համալիրի ութ շենքերից յոթը։
Հինգշաբթի առավոտյան Հոնկոնգի գործադիր տնօրեն Ջոն Լին հայտարարել է, որ 279 մարդ դեռևս անհետ կորած է համարվում, չնայած հրշեջները հետագայում հայտնել են, որ կապ են հաստատել նրանցից մի քանիսի հետ։
Լին ասել է, որ ավելի քան 900 մարդ ապաստան է գտել ժամանակավոր կացարաններում։