«Հրապարակ». «Իրավապահները փակել են Գագիկ Ծառուկյանի ելքը երկրից»
- 10:19 27.11.2025
Ընտրություններ կազմակերպելու նուրբ արվեստը․ հեռացրիր մրցակիցներիդ մինչև առաջադրվելը
«Հրապարակ» օրաթերթը գրում է. «Մենք տեղեկացանք, որ մոտ մեկ ամիս առաջ իրավապահները փակել են Գագիկ Ծառուկյանի ելքը երկրից: Այս արգելքը դրվել է նրա նկատմամբ մի հին` 2018-19-ին հարուցված քրեական գործով և անսպասելի է եղել բոլորի, այդ թվում` նրա պաշտպանների համար:
Ծառուկյանի որդուն առաջադրված մեղադրանքով այժմ ևս քննություն է գնում, այդ գործով անցնող բոլոր մյուս անձանց նկատմամբ այլընտրանքային խափանման միջոցներ են ընտրվել, իսկ Ծառուկյանի որդու նկատմամբ կալանքի և հետախուզման որոշումը դեռ պահպանվում է: Իսկ մոտ 10 օր առաջ ՊԵԿ-ը կրկին ստուգումներ է սկսել «Շանգրի լա» խաղատանը»: