Հունվարի 1-ից Վրաստան մուտք գործելիս ապահովագրություն կպահանջվի
- 17:26 08.12.2025
Վրաստանում հունվարի 1-ից ուժի մեջ կմտնեն մուտքի նոր կանոնակարգերը։
Ըստ Վրաստանի ազգային զբոսաշրջության վարչության՝ երկիր մուտք գործող օտարերկրյա քաղաքացիները պարտավոր են ունենալ գործող առողջության ապահովագրություն։
«Ապահովագրության նվազագույն ծածկույթը պետք է լինի առնվազն 30,000 լարի (մոտավորապես 12,000 դոլար)։ Ապահովագրություն չտրամադրելու դեպքում կարող է մուտքի մերժում կամ սահմանին լրացուցիչ պահանջներ առաջանալ», – ասվում է հայտարարության մեջ։