Փաշինյանը հազիվ հասավ Գերմանիայից Մոսկվա
- 17:21 11.12.2025
Նիկոլ Փաշինյանը մասնակցում է Եվրասիական միջկառավարական խորհրդի նեղ կազմով նիստին: Ռուսաստանի վարչապետ Միխայիլ Միշուստինը առաջարկել է համաձայնեցնել գրաֆիկները Միության շրջանակներում տնտեսական գործընթացների հետագա զարգացման վերաբերյալ հռչակագրի իրականացման շրջանակում։
Նիկոլ Փաշինյանը հազիվ է հասել Մոսկվայի նիստին, քանի որ նրա ինքնաթիռը չի կարողացել վայրէջք կատարել գիշերը՝ ուկրաինական անօդաչու թռչող սարքերի հարձակման և բազմաթիվ ռուսական օդանավակայանների փակման պատճառով: Համբուրգից թռչող նրա ինքնաթիռը վայրէջք է կատարել Սանկտ Պետերբուրգում, իսկ այնտեղից նա մեկնել է Մոսկվա։
Այսօր գիշերը մոտ 300 անօդաչու թռչող սարքեր են հարձակվել ռուսական քաղաքների վրա. ռուսական հակաօդային պաշտպանության միջոցները կարողացել են խփել դրանց մեծ մասը, սակայն անօդաչուների և զենիթային զենքերի բեկորները, ինչպես նաև որոշ անօդաչու թռչող սարքեր հասել են թիրախներին՝ առաջացնելով ավերածություններ և հրդեհներ։
Փաշինյանը սովորաբար “համատեղում” է Ռուսաստան և արևմտյան մայրաքաղաքներ կատարած ուղևորությունները՝ ցույց տալու համար իր հավատարմությունը հավասարակշռված քաղաքականությանը: Գերմանիայում նա հայտարարել է, որ Հայաստանը չի մտադիրվում դուրս գալ ԵԱՏՄ-ից, բայց ձգտում է ինտեգրվել ԵՄ-ի հետ: Առայժմ այս գործընթացները կարող են համատեղվել. հենց որ սա խնդրահարույց դառնա, կառավարությունը կորոշի, թե ինչ անել, ասել է Փաշինյանը։