Ակնհայտ էր ի սկզբանե, որ այս ամենը կապված է երեկվա լսումների հետ
- 23:47 11.12.2025
Այսօր Քննչական կոմիտեն Արցախի ներկայացուցչությունում խուզարկություններ է իրականացրել։
ՙՙՄեզ համար ակնհայտ էր ի սկզբանե, որ այս ամենը կապված է երեկվա լսումների հետ: Սա այն մեսիջն է, որը մենք ստանում ենք Հայաստսնի իշխանություններից։ Չէմ բացառում, որ հետագայում այդ ամենը շարունակական բնույթ կկրի, բայց մեր հստակ դիրքորոշումը հետևյալն է՝ Արցախյան հակամարտության էջը չի կարող փակված լինել առանց հաշվի առնելու 120 հազարից ավելի արցախցիների ինքնորոշման հարցը”:
Այս մասին այսօր լրագրողներին ասել է Արցախի պետնախարար Նժդեհ Իսկանդարյանը։ “Սա հստակ է, և մենք շարունակելու ենք մեր պայքարը: Իհարկե, ցավալի է, որ մեր հայրենիքում ականատես ենք լինում նման դրսևորումների: Առգրավվել են համակարգիչներ, այնպես որ սպասենք զարգացումներին և Քննչական կոմիտեի արձագանքին: Ինչ-որ բան են փնտրել, փաստաթղթեր երևի թե, իրենց ասելով՝ Ներդրումային հիմնադրամի հետ կապված։ Բայց մենք բոլոր փաստաթղթերը բռնի տեղահանումից հետո ներկայացրել ենք Քննչական կոմիտե: Ակնհայտ է, որ այն, ինչ տեղի է ունենում՝ շոուի երկրորդ կամ երրորդ սերիան է: Սպասենք ու կտեսնենք”, նշել է նա: