Լուկաշենկոն ազատ է արձակել 123 քաղբանտարկյալի, ԱՄՆ-ն վերացրել է կալիումի նկատմամբ պատժամիջոցները
- 19:12 13.12.2025
Բելառուսի նախագահ Ալեքսանդր Լուկաշենկոն ներում է շնորհել տարբեր երկրներից 123 քաղբանտարկյալների։ Նրանց թվում են Մարիա Կոլեսնիկովան, որը 2020 թվականի Բելառուսի նախագահական ընտրություններից հետո տեղի ունեցած բողոքի ցույցերի արդյունքում 2021 թվականին դատապարտվել է 11 տարվա ազատազրկման, 2022 թվականի Նոբելյան խաղաղության մրցանակի դափնեկիր Ալես Բելյացկին, որը 2023 թվականին դատապարտվել է 10 տարվա ազատազրկման, ինչպես նաև «Բելգազպրոմբանկի» նախկին ղեկավար և Լուկաշենկոյի մրցակիցը 2020 թվականի ընտրություններում Վիկտոր Բաբարիկոն։
Ուկրաինայի նախագահ Վլադիմիր Զելենսկին հայտարարել է, որ ներում ստացածների թվում են հինգ ուկրաինացիներ։
“Пул Первого”-ի տվյալներով՝ Լուկաշենկոն ներում է շնորհել բանտարկյալներին ԱՄՆ նախագահ Դոնալդ Թրամփի խնդրանքով՝ Բելառուսի կալիումի արդյունաբերության դեմ պատժամիջոցների վերացման դիմաց՝ «և երկրի դեմ այլ անօրինական պատժամիջոցների վերացման գործընթացի գործնական իրականացման կապակցությամբ»։
ԱՄՆ նախագահ Դոնալդ Թրամփը և նրա կինը՝ Մելանյան, անձնական ուղերձ են հղել Բելառուսի նախագահ Ալեքսանդր Լուկաշենկոյին։