Վիտկոֆը հայտարարեց առաջընթացի մասին Զելենսկու հետ հանդիպման ժամանակ
- 10:17 15.12.2025
Ուկրաինայի նախագահ Վլադիմիր Զելենսկիի հետ Բեռլինում կայացած հանդիպման ժամանակ «նշանակալի առաջընթաց» է գրանցվել ռազմական գործողությունների դադարեցման ուղղությամբ: Այս պնդումը արվել է ԱՄՆ նախագահ Դոնալդ Թրամփի հատուկ բանագնաց Սթիվեն Վիտկոֆի կողմից X սոցիալական մեդիա հարթակում կիրակի՝ դեկտեմբերի 14-ին, արված գրառման մեջ։
Վիտկոֆը նշել է, որ ամերիկյան և ուկրաինական պատվիրակությունների միջև Ուկրաինայում հնարավոր հրադադարի վերաբերյալ խորհրդակցությունները տևել են ավելի քան հինգ ժամ: Հանդիպմանը մասնակցել է նաև Թրամփի խորհրդական և փեսա Ջարեդ Քուշները։
Վիտկոֆի գրառման մեջ նշվում է, որ կողմերը «խորը քննարկումներ են անցկացրել» 20 կետանոց խաղաղության ծրագրի, տնտեսական հարցերի և այլ թեմաների շուրջ։
Խորհրդակցությունները կշարունակվեն երկուշաբթի՝ դեկտեմբերի 15-ին: Այդ երեկոյան բանակցություններին կմիանան եվրոպական պետությունների և կառավարությունների ղեկավարները, ինչպես նաև ԵՄ և ՆԱՏՕ-ի առաջնորդները, հաղորդում է AFP-ն: