Կյանքից հեռացել է Լևոն Օգանեզովը

Ռուսաստանի ժողովրդական արտիստ, դաշնակահար, կոմպոզիտոր, դերասան և հեռուստահաղորդավար Լևոն Օգանեզովը հեռացել է կյանքից, հայտնել է նրա դուստրը՝ Մարիա Շկլովերը, Ֆեյսբուքում: Նա 84 տարեկան էր։

Օգանեզովը մահացել է դեկտեմբերի 13-ին՝ քաղցկեղի դեմ երկարատև պայքարից հետո: «Բազմաթիվ երկրպագուները նրան կհիշեն իր վարպետության և փայլուն հումորի համար: Մեզ համար նա հավերժ կմնա սիրված ամուսին, հայր, պապիկ, նախապապի, աներ և լավագույն ընկեր», – գրել է Շկլովերը։

Ավելի ուշ արտիստի սոցիալական ցանցերի էջում հայտնվեց հաղորդագրություն, որում նշվում էր, որ Օգանեզովի հուղարկավորության արարողությունը տեղի կունենա դեկտեմբերի 16-ին Նյու Յորքում, և որ նա կթաղվի Քենսիկոյի գերեզմանատանը։