Հիմա էլ ասում է՝ ձեր ինչի՞ն է կանխիկ փոխը, ամբողջը տվեք բանկերին

Հայաստանը կարող է դառնալ «առաջամարտիկ» ևս մեկ ոլորտում՝ ամբողջությամբ վերացնելով կանխիկը։ Համենայնդեպս, սա է Հայաստանի կառավարության քաղաքականությունը, որը ոչ միայն փորձում է վերահսկել մարդկանց գրպանի յուրաքանչյուր կոպեկը, այլև առավելագույն շահույթ ստանալ այդ կոպռկից։ Ակնհայտ է, որ կանխիկը պոտենցիալ «վտանգ» է կառավարության համար, որն օգտագործում է բանկերը՝ մարդկանցից վերջին փողը քամելու համար։ Բայց բոլորը հասկանում են, որ եթե երկիրը մի քանի ժամ մնա առանց ինտերնետի կամ էլեկտրաէներգիայի, ապա առանց կանխիկի բոլորը պարզապես սոված կմնան։

«Էս կանխիկի հարցը պետք է լուծել։ ինչների՞ս է պետք կանխիկ փողը»,- հայտարարել է վարչապետ Նիկոլ Փաշինյանը կառավարության նիստում խոսելով անկանխիկ առևտրի մասին։ «Ի՞նչ են անում մարդիկ կանխիկ փողով. կաշառք են տալիս, ստվերային առևտուր են անում, ի՞նչ պոզիտիվ բան կա, որ հնարավոր չէ անել անկանխիկ փողով։ Ծննդին նվե՞ր տալ։ Հնարավոր է՝ հավելվածով տեղում փոխանցել»,- ասել է նա։