NBC․ Իսրայելը նոր հարված է պատրաստում Իրանին
- 20:59 20.12.2025
Իսրայելի վարչապետ Բենիամին Նեթանյահուն նախատեսում է ԱՄՆ նախագահ Դոնալդ Թրամփին տեղեկացնել Իրանի դեմ հնարավոր նոր հարվածների մասին, հաղորդում է NBC News-ը՝ հղում անելով ծրագրերին անմիջականորեն ծանոթ աղբյուրին, ինչպես նաև չորս նախկին ամերիկացի պաշտոնյաների։
Իսրայելական կողմը կարծում է, որ Թեհրանը ընդլայնում է իր բալիստիկ հրթիռների ծրագիրը, և պատրաստվում է ներկայացնել իր փաստարկները Թրամփի հետ առաջիկա հանդիպման ժամանակ, հայտնել են աղբյուրները։ Նրանք պնդում են, որ Իրանի բալիստիկ հրթիռների արտադրությունը կարող է աճել մինչև ամսական 3000։
Թրամփը և Նեթանյահուն, ինչպես սպասվում է, կհանդիպեն դեկտեմբերի վերջին Ֆլորիդայի Մար-ա-Լագո նախագահական նստավայրում։ Աղբյուրների համաձայն, այս հանդիպման ժամանակ վարչապետը պետք է համոզի Սպիտակ տանը, որ Իրանի բալիստիկ հրթիռների ընդլայնվող ծրագիրը սպառնալիք է ներկայացնում, որը կարող է պահանջել անհապաղ արձագանք։