Ծրագիր արցախցի կանանց համար
- 11:03 25.12.2025
Կայուն Զարգացման Հայկական Հիմնադրամը հայտարարում է «Խոցելի կանանց հզորացումը Հայաստանում» ծրագրի շրջանակներում փոքր ձեռնարկությունների և մասնագիտական կրթությունների հայտադիմումների մեկնարկի մասին: Այս մասին հայտնում է Փաստինֆո-ն։
Ծրագիրը նախատեսում է ֆինանսավորել.
– 40 փոքր ձեռնարկություն (նախապատվություն կտրվի գյուղատնտեսական, արտադրական ոլորտներին և նորարարական գաղափարներին),
– 15 մասնագիտական կրթություն:
Ծրագրի շահառու կարող են լինել 2023 թ. սեպտեմբերից հետո Արցախից բռնի տեղահանված 18-65 տարեկան խոցելի կանայք, ինչպես նաև 2020 թ. պատերազմում զոհված կամ դրան հաջորդող ռազմական գործողությունների հետևանքով 1-ին կամ 2-րդ կարգի հաշմանդամություն ունեցող զինծառայողների կանայք և մայրերը, ովքեր ցանկանում են ձեռք բերել նոր մասնագիտություն կամ ունեն փոքր ձեռնարկություն ստեղծելու մտադրություն:
Ծրագրին դիմելու վերջնաժամկետն է 2026 թվականի հունվարի 12՝ ժամը 23:59:
Ծրագրի բոլոր մանրամասներին կարող եք ծանոթանալ այստեղ
Մասնակցության հայտի հղումն այստեղ՝
Ծրագիրն իրականացվում է Կայուն Զարգացման Հայկական Հիմնադրամի կողմից՝ Սուրբ Սարգիս բարեգործական կազմակերպության և Սոցիալական Օգնության Հայկական Միության համաֆինանսավորմամբ: